नागपूर एक्‍स्‍प्रेसचा दिवस

          बहुचर्चित अशा मेलबॉर्न मैदानापासून भारताला कमी यश मिळालय अशा बॉक्‍सींग डे कसोटीची सुरुवात झाली. गो-या साहेबाचा हा खेळ म्‍हणजे पाऊस हमखास पाडणारा अगदी दुष्‍काळानं पोळलेल्‍या लगानमध्‍ये देखील पडलाच तसा तो आज पहिल्‍या दिवशी 45 मिनिटांचा वेळ खाऊन गेला. इथं आदल्‍या रात्री तर गारपीट झाली होती पण पाण्‍याचा निचरा करण्‍याची यंत्रणा उत्‍तम  असल्‍यानं खेळ झाला.

     पहिला दिवस भारतीय संघात असलेल्‍या नागपूर एक्‍सप्रेस अर्थात उमेश यादवच्‍या नावे द्यावा लागेल. आपल्‍या धडधडत्‍या एक्‍स्‍प्रेसने आरंभीच ऑस्‍ट्रेलियाची अवस्‍था 2 बाद 46 केली होती. पॉन्‍टींग आणि पदार्पण करणारा सलामीवीर एड कोवन यांनी तग धरीत केली शतकी भागीदारी ऑस्‍ट्रेलियाला सावरु शकली.

     अखेरच्‍या सत्रात पीटर सिडस आणि ब्रॅड हॅडिन यांनी केलेली 65 धावांची भागीदारीही मोलाची ठरली तरीही त्‍यांना 6 बाद 277 पर्यंत आटोक्‍यात ठेवता आलं. दोन कसोटीत 9 बळी घेणा-या उमेश यादवनं आरंभी भेदक मारा केला आणि आपण विकेट टेकर आहोत हे पुन्‍हा सिध्‍द केलं. 6 पैकी 3 विकेट त्‍यानं काढल्‍या.

     केवळ वेगवान गोलंदाजी महत्‍वाची नाही तर तो गोलंदाज विकेट टेकर हवा. असा विकेट टेकर मनोज प्रभाकर होता. आज धोनीनं भारतीय गोलंदाजीच्‍या मर्यादा पुन्‍हा ओळखल्‍या असणार हे स्‍पष्‍टच आहे. वेगवान आणि उसळी घेणा-या खेळपट्टीवर आणखी एक मध्‍यमगती गोलंदाज संघात असायला हवा होता. आपल्‍याला तिथल्‍या खेळपट्टयांचा विचार करुन संघ  निवड करायला हवी त्‍याचप्रमाणे पहिलाच दिवस असल्‍याने पॉन्‍टीग-कोवन यांची भागीदारी फोडण्‍यासाठी धोनीने एखादा धिम्‍यागतीचा गोलंदाज वापरायला हवा होता. यापूर्वीच्‍या  इथल्‍या कसोटी विरेन्‍द्र सेहवागने अशी गोलंदाजी करीत यश मिळवले होते.

     ऑस्‍ट्रेलियन फलंदाज नव्‍या दमाचे आहे. अगदी कमी अनुभव असणारे खेळाडू या संघात आहे त्‍यांना उसळत्‍या चेंडूचा मारा करुनच बाद करता येईल हे पाच वेळा झालंय. पॉन्‍टींग असो की कोवन हे सारे उसळत्‍या चेंडूवरच बाद झाले.

     नागपूर एक्‍स्‍प्रेस विकेट टेकर नक्‍की आहे परंतु लाईन योग्‍य न राखता आल्‍याने धावा देखील जास्‍त देते. कसोटीत हे चालून जाते मात्र मर्यादीत षटकांच्‍या सामन्‍यात नाही. त्‍यादृष्‍टीने उमेशला मेहनत करावी लागणार आहे.

Melbourne Cricket Ground MCG

     नाताळच्‍या सुटीत असलेला हा सामना आज इथं पहिलया दिवशी 70 हजारांहून अधिक क्रिकेट रसिक आले होते. अर्थात या उपस्थितीला सचिनचं महाशतकही कारणीभूत आहे. आपण ही संधी सचिनचं चित्र गेल्‍या  काही वर्षात दिसत आहे त्‍या पार्श्‍वभूमीवरही ही गदी महत्‍वाची. निरसपणा निघून गेल्‍याने कसोटी क्रिकेट पुन्‍हा गर्दी खेचतय हे नक्‍की.

उद्या उपहारापूवी्र उर्वरित चार गडी बाद करणं ही संधाची योजना असणार हे स्‍पष्‍टच आहे. खेळपट्टी फिरकीला सध्‍या साथ देत नाही आणि टिकून खेळलं तर धावा काढता येतील हे पॉन्‍टींग, कोवन आणि मायकल क्‍लार्क यांनी दाखवून दिलय. त्‍याचमुळे कसोटीत माहीची भिस्‍त विरु, सचिन लक्ष्‍मण आणि द्रविड यांचया खेळावरच राहील असं दिसतं.

-         पॅसिफिक

Read This Blog in Daily Lokshahi Warta Dated 27 December 2011

सौरवचं चॅपेल प्रेम ...!

     बॉक्‍सींग डे टेस्‍ट मॅचचे कुतूहल सर्वांनाच आहे. हे कुतूहल मैदानावर होणार असलेल्‍या खेळाचे तर आहेत त्यासोबतच मैदानाबाहेर रंगत असलेल्‍या  सौरव गांगुली आणि ग्रेग चॅपेल यांच्‍यातील शाब्‍दीक कसोटीचेही आहे. भारतीय संघाला नवी ओळख देणारा कर्णधार सौरव आणि त्‍याला संघाच्‍या बाहेरचा रस्‍ता दाखवणारा ग्रेग चॅपेल यांच्‍यातला वाद तसा सवयीचा पण ऑस्‍ट्रेलिया दौ-यामुळे तो नव्‍याने समोर आलाय.

from youtube

     तसंही ग्रेग चॅपेलचं नाव कुणी फार अभिमानानं घेत नाही त्‍यानं त्‍याच्‍या कर्णधारपदाच्‍या काळात ऑस्‍ट्रलियाला एक आगळा पायंडा जरुर घालून दिला होता मात्र तो प्रत्‍येक संघात लागू होईल असं नसतं आणि हाच प्रकार त्‍याने भारतीय क्रिकेट संघाचा प्रशिक्षक म्‍हणून नियुक्‍त झाल्‍यावर केला त्‍यावेळी विरोध झाला हे देखील खरं.

     थोडासा पुढे येवून विचार केला तर कसोटीसाठी एक संघ  आणि एक दिवसीय सामन्‍सासाठी एक संघ  हा फॉर्म्‍यूला  ऑस्‍ट्रेलियन संघ  अनेक वर्षापासून राबवित आहे. हाच फार्म्‍यूला भारतीय संघात असावा असा प्रयत्‍न चॅपेल ने केला होता. आता चॅपेलही नाही आणि सौरवदेखील पण हा फॉम्‍यूला संघाने स्‍वीकारलाय हे खरच आहे.

     त्‍याची कृती चांगली होती की नाही यापेक्षा सौरवची दादागिरी मिडियाने उचलली त्‍यामुळे भलं कुणाचच झालं नाही. चॅपेलचं पद गेलं आणि सौरवची संघातली जागाही गेली. आता स्‍पर्धा इतकी प्रचंड आहे की सौरव पुन्‍हा संघात येण्‍याचा विचारही करु शकत नाही त्‍यामुळे आता फक्‍त तोंडी फटकेबाजी सुरु राहणार आणि त्‍यातही ऑस्‍ट्रेलिया दौ-यात समालोचनाचं काम सौरवला मिळालय. त्‍यामुळे सकाळी मैदानावरील फटकेबाजी होवो न होवो सौरवची फटकेबाजी ऐकायला मिळणं निश्चित आहे.

                    

-         पॅसिफिक

भारत रत्‍न ...!

          आणि सचिन तेंडूलकरला भारत रत्‍न देण्‍याचा मार्ग अखेर मोकळा झाला अशा आशयाच्‍या बातम्‍या आज सर्व वृत्‍तपत्रात आहे. कधी काळी याचप्रमारे सुनिल गावसकरला सर किताब मिळावा ही अपेक्षा भारतीय क्रिकेट रसिकांनी व्‍यक्‍त केली होती. मुळात त्‍याला त्‍याची आवश्‍यकता नाही असा खेळ सुनिल गावसकर करायचा. सचिनच्‍या बाबतीत भारतरत्‍नाची अपेक्षा पूर्ण करण्‍यासाठीचा निर्णय खरोखर चांगला निर्णय याबद्दल क्रीडा मंत्री अजय माकन यांचे अभिनंदनच करायला हवं.

Video youtube

     सचिनला क्रिकेटचा देव म्‍हटलं जातं आणि त्‍याची वागणूकही तशीच राहिलेली आहे. क्रिकेटच्‍या सर्व प्रकारात त्‍याचं वर्चस्‍व आहे. नुसती फलंदाजीच नव्‍हे तर त्‍याची गोलंदाजी देखील चांगली आहे आणि अगदी कठीण प्रसंगात त्‍यानं भारतात सामना जिंकून दिलेला आहे. कलकत्‍ता येथे झालेल्‍या हिरोकपचा फायनल आणि त्‍याचं शेवटचं षटक हे सचिनची महारथ अधोरेखित करणारं होतं.

     हल्‍ली क्रिकेटमध्‍ये चुरस प्रचंड वाढली आहे. सोबतच सामन्‍यांमधील निरसपणाही निघून गेला आहे. कसोटी सामने निकाली निघतात अगदी शेवटच्‍या चेंडूपर्यंत रंगलेली भारत-विंडीज यांच्‍यातील तिसरी कसोटी हे त्‍याचं उत्‍तम उदाहरण आहे. अशा काळात सचिनचं महत्‍व सर्वांनाच कळतं.

     सचिनची महानता मैदानातच नव्‍हे तर मैदानाबाहेरही दिसते. ख-या क्रीडा रसिकाप्रमाणे त्‍याचं टेनिस सामन्‍यांना हजेरी लावणं व इतर खेळांमध्‍ये रुची घेणं खरी खिलाडीवृत्‍ती आहे. अशा लाडक्‍या सचिनला भारतरत्‍न मिळालयला हवाच परंतु त्‍याआधी तो हॉकीचे जादुगार ध्‍यानचंद यांना मिळावा.

                                       - पॅसिफिक

prashant writes: मला फेसबुकानं झपाटलं...

prashant writes: मला फेसबुकानं झपाटलं...: मानसशास्‍त्र हा गुंतागुंतीचा विषय आहे आणि त्‍यातून निघणारे तर्क हा त्‍या ही पलिकडचा प्रवास असतो. भविष्‍य जाणून घेण्‍याचं कुतूहल सर्वां...

prashant writes: सायकल बघावी चालवून... !

prashant writes: सायकल बघावी चालवून... !: आठवणींच्‍या सागरावर सर्फिंग करताना मन क्षणात एका लाटेवरुन दुस-या लाटेवर स्‍वार होत जातं आणि अल्‍पावधीत सुरुवात कुठे झाली हे आपण विसरतो अ...

ऑडी हो तो रवि शास्‍त्री की ... !

     विंडीजचा सफाया करुन भारतीय क्रिकेट संघाने आता ऑस्‍ट्रेलिया दौ-याची वाट धरलीय. अर्धा संघ ऑस्‍ट्रेलियात दाखल देखील झालेला आहे. ऑस्‍ट्रेलिया दौरा असो की न्‍यूझीलंडचा दौरा पहाटे उठून थंडीत शाल लपेटून मॅच टिव्‍हीवर बघण्‍याची मजा असते.

    ऑस्‍ट्रेलिया संघाविरुध्‍द होणारे सामने म्‍हणजे प्रेस रिपोर्टींग करण्‍यास सर्वात उत्‍तम सामने असं आम्‍ही मानतो. याला कारण सामना दुपारपूर्वी संपायचा. त्‍यामुळे पहिल्‍या आवृत्‍तीपासून संपूर्ण बातमी कॅरी करता येते. द.आफ्रिका आणि विंडीज अथवा इंग्‍लंडविरुध्‍द सामना असेल तर पहिल्‍या आवृत्‍तीला बातमी अर्धवट आणि विंडीजच्‍या सामन्‍यात तर सिटीलाही अर्धवट.

                                                 VIDEO सौजन्य youtube

     रात्री अर्धवट झोप झाल्‍यावर पेंगलेल्‍या अवस्‍थेत चार दिवस शेडयूल बिघडावं तसं हे बातमीचं समीकरण बिघडलेलं रहातं म्‍हणून ऑस्‍ट्रेलिया दौरा आवडीचा. अर्थात ही आवड कॉलेजपासूनची याला कारण पूर्ण कव्‍हरेज बघता यायचं.

     टिव्‍हीवर मॅच बघणं म्‍हणजे कसा मोठा सोहळा. वडील आधी जागे व्‍हायचे. त्‍यांनाही क्रिकेटची प्रचंड आवड. सकाळपर्यंत कधी त्‍यांनी तर कधी मी चहा करायचा अन् त्‍याकाळी असणा-या कृष्‍णधवल अर्थात ब्‍लॅक and व्‍हाईट सोनीच्‍या टिव्‍हीवर मॅच बघायची पुढे रंगीत टिव्‍ही घरात आल्‍यावर या मॅचची रंगत खूपच वाढली. 

     त्या काळातलं चॅनेल नाईनचे दर्जेदार प्रक्षेपण आणि तो रिची बेनॉचा आवाज आजही कानात ताजा आहे. ते फुरसतीत बघितलेले सामने आजही आठवणीचा मोठा  भाग बनून आहेत. त्‍या काळात बापलेकाचा शब्‍दविना होणारं प्रेमळ संवाद कृतीतून व्‍यक्‍त  व्‍हायचा.

     रवि शास्‍त्रीची ऑडी कायम स्‍मरणात अशीच राहिलीय. कोण कौतुक होतं त्‍या ऑडीचं त्‍यावेळी आता भारतीय रस्‍त्‍यावर ही गाडी सहजपणे दिसते पण ऑडी हो तो रवि शास्‍त्री की हेच खरं.

    क्रिकेटची ती दुनियाच खरोखर मोहमयी आहे. या निमित्‍तानं सचिन तेंडूलकर, अजय जडेजा, किरण मोरे, विनोद कांबळी एक ना अनेक अशा खेळाडूंशी बोलण्‍याचा, मुलाखती घेण्‍याचा योग आला पण घरात बसून टिव्‍हीवरच्‍या मॅचचा आनंद कधी मैदानावर नाही आला. ऑस्‍ट्रेलिया दौ-याच्‍या निमित्‍तानं सारं आठवलं आता वाट 26 डिसेंबरची.     

-         पॅसिफिक

रेकॉर्डस् मेंट टू बी ब्रोकन ... !

          विक्रम हे होतात तेच मुळी मोडले जाण्‍यासाठी असं सांगितलं जातं. आणि तेच खरं आहे. आज केलेला विक्रम गुरु से सवाई चेला उद्या मोडत असतो. आणि हे सतत घडत राहणार आहे. यात खंड पडणार नाही. फरक फक्‍त इतका की तो विक्रम किती काळानंतर मोडला. एक दिवसीय क्रिकेट सुरु झाल्‍यानंतर 40 वर्षे लागली पहिलं व्दिशतक पूर्ण करण्‍याच्‍या विक्रमाला.

     पहिला एकदिवसीय क्रिकेट सामना खेळला गेला त्‍यावेळेपासून 40 वर्षात या प्रकारात 200 धावांचा पल्‍ला  कुणी गाठू शकलं नाही. हा विक्रम सचिन रमेश तेंडूलकर यांनी 24 फेब्रुवारी 2010 रोजी ग्‍वाल्‍हेरमध्‍ये मोडला. त्‍याचा विश्‍वविक्रम पुढील 40 महिन्‍यात मोडण्‍याची कामगिरी माँ दा लाडला विरुने इंदूरमध्‍ये 8 डिसेंबर 2011 रोजी केली आणि वीरुने 219 धावा काढल्या. तो बाद झाला त्‍यावेळी 3 षटके बाकी होती हे खास.

     काही खेळाडू जिगरबाज असतात तर काही चिवट 70 च्‍या दशकात चिवट खेळाडूंचा भरणा होता. पहिली विश्‍वचषक स्‍पर्धा 1975 साली इंग्‍लंडमध्‍ये झाली. त्‍यावेळी होणारे एक दिवसीय सामने चक्‍क  60-60 षटकांचे होते. त्‍यात आला सुनिल मनोहर गावसकर हा विक्रमादित्‍य होता. त्‍याच्‍या नावे एक आगळा विक्रम आहे. पहिल्‍या चेंडूपासून शेवटच्‍या चेंडूपर्यंत म्‍हणजे तब्‍बल 60 षटके फलंदाजी करण्‍याचा आणि त्‍यात गावसकरने किती धावा काढल्‍या असं विचारलं तर सांगताना नक्‍कीच हसू येईल. 60 षटके नाबाद राहण्‍याचा विक्रम करणा-या सुनिल गावसकरने फक्‍त 36 धावा काढल्‍या होत्‍या. आता बोला सचिन आणि विरेंद्र सेहवाग यांना 60 षटकांची खेळी करण्‍याची संधी मिळाली तर काय-काय विक्रम होतील याची कल्‍पना देखील अंगावर शहारे आणते. हे झंझावाती फलंदाज जर मुड मध्‍ये आले तर काहीही करु शकतात.

     कसोटी आणि एक दिवसीय सामन्‍यात एकत्रितपणे 100 वं शतक सचिन कधी लढवतो याची वाट सर्व क्रिकेट प्रेमींना आता आहे. ऑस्‍ट्रेलियन भूमीत हा विक्रम व्‍हावा ही कदाचित नियतीची इच्‍छा, कारण सर डॉन ब्रॅडमनची भूमी. सर डॉन ब्रॅडमनची महान कारकीर्द डोळ्यापुढे ठेवून सर्व खेळाडू आपली वाटचाल करीत असतात आणि त्‍यांच्‍या भूमीत हा विक्रम नोंदला जाणं उत्‍तमच.

     विरुचं अभिनंदन करताना महाशतकासाठी सचिनला बेस्‍ट लक.

-  पॅसिफिक

Watch viru in sction..